Удмуртъёслэн батыр пизы (Славный сын удмуртского народа)

       Тазьы, гажан мылкыдын, егит кылбурчи но публицист Д. Майоров вазиськиз «Гудыри» газет лыдӟисьёслы 1921 арлэн 16-тü инвожояз. Сюлмысьтыз ик потэм кылъёссэ со сüзиз удмурт калыклэн батыр пиезлы – Максим Прокопьевич Прокопьевлы.

       Нош кин-о со, малы сыӵе бадӟым дан огшоры нимьем муртлы? Туннэ ичиосыз тодо, вылды, та нимез. Нош Удмурт шаер кылдытонын солэн ужъёсыз вераны но дунъяны луонтэм вылüын возисько. М.П. Прокопьевлы луыса, удмурт калык нырысьсэ валаз: мар со астэ гажан, ас кунлык кылдытон, аскивалтон но йöскалык валан.

       М. П. Прокопьев вордüськиз огшоры крестьян семьяын, туала Татарстанысь Нöрья гуртын. Пинал дыръяз ик яратüз дышетскыны но дышетэм мылкыдъёсыныз гуртысь калыкен вераськыны. Малы меда удмурт но котыр гуртъёсысь пöртэм выжы калыкъёс трос ужаса но куанер уло, малы дышетскемзы уг луы, малы ас валамзыя уг быгато улонзэс öраз пыртыны? Таӵе малпанъёс ӵем йыраз лыктылüзы, Казаньын дышетüсьёсты дасян семинариын дышетскыкуз но. Та мылкыдъёс ик вуттüзы Максимез революцие но большевикъёслэн партиязы. Со удмурта кылэ берыктüз «Интернационал» гимнэз, Пушкинлэсь «О попе и работнике его Балде» выжыкылзэ. Берыктüз удмуртлэсь сямзэ, мылкыдзэ, улон öрзэ валаса. Кенешъёсын дышетüсь яркыт но визьмо вераськылüз удмурт, ӟуч, бигер но башкир кылын. Туж гажаз сое гурт калык, угось, шонер верам кылъёсыз сюлме пырылüзы, виьмез сайкатылüзы.

       Нош Совето власть кылдытон öрын М. Прокопьев луиз азьворттüсь но азьмурт. Солэн кичöлтэмез улсын Елабугаын 1918 арын 26 инвожое ортчиз удмуртъёслэн нырысетü öтчамзы. 78 делегатъёс кыл сётüзы йöскалык понна сюлмысь ужаны но выль улон кылдытыны. Та öтчамын М.П. Прокопьев быръемын вал Москваысь РСФСР-ысь нациослэн Комиссариатазы Удмурт ёзэтэн кивалтыны. Отын со вань кужымзэ сётüз Удмурт автономиез кылдытонлы, сюлмаськиз удмурт книгаос, газетъёс поттонэз азинтыны. Солэн кичöлтэмез улсын Мултанын но Елабугаын усьтüськизы удмурт педтехникумъёс. Нош уката кулэ луись ужез туннэ но улонамы возиське. М.П. Прокопьев кылдытüз кунмылэсь нырысетü гожъёссэ, Удмурт улослэсь картазэ, калыклы тупась Конституцизэ.

       Нырысетü азьмуртмы И.А. Наговицын туж вылü дунъяз Максим Прокопьевич Прокопьевлэсь кунлыко ужрадъёссэ, удмурт движениысь пионер но удмурт национальной политикалэн батыр азьмуртэз шуыса, лыдъяз сое.

       Батыр ужась мурт 1919 аре ас мылкыдыныз кошкиз каргам Колчак армилэсь дуно вордüськем шаерзэ утьыны. Отысен келям гожтэтаз шуиз вал: «Тü, эшъёсы, эн куректэ, асьмелэн ужпуммы шонер луоз…, ваньмы кужмоесь, осконо батыръёс». Нош инвожо толэзе роталэн командирез М. Прокопьев Кунгур карез мозмытыкузы Ирень шур вылын геройлыко быриз. Туж вакчи (35 арес) улон сюресэз йылпумъяськиз, уно чаклам ужпумъёсыз быдэсмытэк кылизы…

       Нош Глазкарын, автономилэн нырысетü шоркараз, Никольской урамлэн 8-тü номеръем юртаз интыяськем «Гудыри» газетлэн редакцияз со сярысь ноку öз вунэтэлэ. Газетлэн валтüсь редакторез П. Баграшов 3 ар ортчыса но тазьы гожтüз М. Прокопьев сярысь: «Ас кужымзэ жалятэк, Выль улонэз быдэстытэк, Пинал-егит даурзэ Калык понна со быдтüз».
       Автор: Л.А. Волкова, старший научный сотрудник музея отдела истории.
       26.01.2021

---

(статья на русском языке)


       М. П. Прокопьев – славный сын удмуртского народа

       Прокопьев Максим Прокопьевич – удмуртский поэт, публицист, общественный деятель. Первый полномочный представитель удмуртов в Народном комиссариате по делам национальностей РСФСР. Родился 29 января 1884 г. в селе Нырья ныне Кукморского района Татарстана в многодетной дружной крестьянской семье. С детства стремился к образованию, окончил Казанскую учительскую семинарию. Работая сельским учителем, вел революционно-пропагандистскую деятельность среди сельских жителей.

       В годы Первой мировой войны служил в чине прапорщика и пропагандировал революционные идеи среди солдат. С революцией 1917 года вернулся домой и вступил в РСДРП(б). Участвуя в установлении Советской власти в Осинском уезде Пермской губернии, он убедительными словами, яркими и образными примерами раскрывал перед крестьянами сущность будущих изменений в России. Вопросы о политической власти, классовой борьбе, национализме и интернационализме он разъяснял в зависимости от языка присутствующих на удмуртском, русском, татарском и башкирском языке, которыми свободно владел. «Как не могут жить сообща волк с овцой, так и богатей не уживется с неимущим», – убеждал он слушателей. Переводя на удмуртский язык гимн «Интернационал» или пушкинскую «Сказку о попе и работнике его Балде», поэт-публицист находил образные формы и выражения, свойственные национальному характеру и психологии.

       М.П. Прокопьев стал одним из организаторов I Всероссийского съезда удмуртов в Елабуге 26 июня 1918 года. На съезде присутствовало 78 делегатов из Вятской, Казанской, Пермской, Уфимской губерний. Делегаты впервые в истории народа обсуждали вопросы самоопределения и самоуправления народа в рамках государства. Одним из пунктов повестки дня явился вопрос о создании Центрального удмуртского комиссариата и выборе представителей в Народный комиссариат по делам национальностей РСФСР. Вотский (Удмуртский) отдел возглавлял М.П. Прокопьев до добровольного ухода его на фронт Гражданской войны и погибшего в боях за Советскую власть под Кунгуром в июне 1919 г. За короткое время им были определены примерные административные границы будущей Удмуртии, составлен проект Конституции, учреждены удмуртские отделы и секции при уездных исполкомах.

       И.А. Наговицын высоко оценил государственную деятельность М.П. Прокопьева, назвав его «пионером удмуртского движения в национальном самоуправлении народа, крупнейшим политическим деятелем и просветителем».


       Автор: Л.А. Волкова, старший научный сотрудник музея отдела истории.
       26.01.2021